أبو الحجاج يعتزل لكن يستثني “الكبير أوي”

كان قد أعلن الفنان حسين أبو حجاج إعتزاله التمثيل وذلك خلال حلوله ضيفاً على برنامج “مصر جديدة” مستثنياً من قراره التعاون مع أحمد مكي.

وفي التفاصيل، تحدث حسين أبو حجاج عن مشاركته في مسلسل “الكبير أوي”، وقال: “أنا ليّ حظ اني اشتغلت مع أحمد مكي السنة دي، وجالي شغل على فكرة وأنا شغّال معاه، رفضت الشغل مع أكرم حسني وأنا بشتغل معاه.. الي هم بيعملوه معايا أنا مش متأكد ان حد غيرهم يعملوا معايا”.

وتابع “قلتلهم أنا عندي ظروف وما قدرش أشتغل، فقالولي شغّال في الكبير. قلتلهم آه الكبير ده استثنى”.

وأعلن اعتزاله التمثيل، لكنه أكد أنه مستعد للمشاركة مجدداً في “الكبير أوي”، وأضاف “في الكبير أحمد مكي لو عايزني أنا تحت أمره، أنا بستثني الكبير، هو قالي أنا ما بقدرش أشتغل من غيرك، هو قالها بكل بساطة”.

وتحدث عن أن فريق العمل الذي يعمل مع بعضه البعض منذ ست سنوات، يشعر بأنه بين أفراد عائلته، وأكد أن أحمد مكي لا يعيش دور النجم، ووصفه بالإنسان الخلوق قائلاً “الرجل ده ما شاء الله عليه أخلاق وثقافة وعلم وكل حاجة في حلوة”، وأكد أنه اتخذ قرار الاعتزال وبأنه سيعمل فقط مع أحمد مكي.

وعلى هامش عمله كممثل، افتتح حسين أبو حجاج ورشة لتصليح إطارات السيارات، وقال “الورشة بالنسبة لي فيها ناس بتاكل عيش، تخايلي ان أنا قفلتها ما في ناس بتاكل عيش معايا”، وأضاف متوجهاً برسالة لفناني مصر قائلاً “لو انت فنان وايدك طايلة السماء وما عندكش مشروع يسندك ولا ليه لزوم الفن”.

وكشف عن سر خلافه مع محمد هنيدي، وقال: “بعد 3 أو 4 سنين من فيلم “صعيدي في الجامعة الأمريكية” كان محمد هنيدي بيعمل مسرحية.. رحت كان هو وأحمد السقا، وبسلم عليه قلتله انت نسيتني وبتاع وكلام من ده، قالي “شوف يا “لؤي” (هي الشخصية التي قدمها في فيلم صعيدي في الجامعة الأمريكية)، قالي لو الناس نسيت لؤي ينفع نشتغل مع بعض تاني، فأنا لقيت المنطق بتاعه غريب يعني، الناس لما تلاقي واحد الناس ركزت عليه وحبته، الناس بتجيبه”، وأكد انه تضايق من محمد هنيدي بسبب جوابه الغير منطقي.